Sommarlesfest

Fredag 6. september kl. 18 blir det Sommarlesfest på biblioteket for å feire alle dei flinke sommarlesarane våre!

Vi er så utruleg imponert over kor mykje de har lest i sommar! I år er det blitt lest meir enn nokon gong, og de kan vere veldig stolte over dykk sjølve. Så håpar vi de har hatt mange fine lesestunder, både for dykk sjølve eller saman med nokon som har lest for dykk.

No nærmar Sommarles seg slutten for i år. De har framleis tid til å lese nokre bøker, men hugs å få dei registrert før 31. august. Etter dette er det ikkje mogeleg å registrere fleire bøker. Men de kan komme og hente premiar heilt fram til 14. september.

Alle som har vore med på Sommarles er velkomne på festen. På festen trekk vi fleire premiar. I tillegg får alle som kjem ein is kvar. Vi håpar å sjå så mange som mogeleg av dykk, og at de blir med på Sommarles neste år også. Hald fram med dei gode lesestundene i haust og vinter, og kom gjerne innom oss for å låne bøker.