Torsdagskringla med Stig Ulv

Det blir konsert med Stig Ulv på biblioteket i Stryn, torsdag 4. januar kl. 19.00. Stig Ulvestad, med kunstnarnamnet Stig Ulv, er melodikar og lyrikar og byr på vakkert påfyll uansett kor ein har sine musikalske preferansar. I meir enn ti år har han reist rundt og spelt nydeleg gitarinstrumental musikk på nynorsk og i haust kom han med plata Horgitarar og boka Gitardikt på Selja forlag. Tek du turen på konsert vil du garantert få ei kjenslelada oppleving i form av anten latter eller tårer.

Arrangementet er Torsdagskringla for januar, så vi byr sjølvsagt på kringle og kaffe til konserten.

Velkomen til ein koseleg konsert på biblioteket etter nyttår!