
Torsdagskringla om Palestina og Israel i moderne tid
På Torsdagskringla 6. februar, kl. 19, får vi besøk av professor i historie Inger Marie Okkenhaug. I 2024 kom ho med boka Historien om Palestina og Israel i moderne tid, saman med Jens Johan Hyvik.
Boka har som utgangspunkt det palestinske samfunnet i tiåra før 1900, og følgjer historia til dette geografiske området fram til i dag. Tema for Okkenhaug sitt foredrag er Palestina si historie frå ca. 1920-1948, med særleg fokus på sosiale og politiske forhold.
Inger Marie Okkenhaug er professor i historie ved Høgskulen i Volda. Ho er ein av forfattarane bak boka Historien om Palestina og Israel i moderne tid (2024). I tillegg har Okkenhaug publisert ei rekkje med bøker og artiklar nasjonalt og internasjonalt relatert til Midtausten si historie, inkludert Christian Missions and Humanitarianism in the Middle East, 1850–1970: Ideologies, Rhetoric, and Practices (medredaktør, 2020) og “En norsk filantrop”. Bodil Biørn og armenerne, 1905–1934 (2016).
Om boka:
Kombinasjonen av detaljert kunnskap og analytiske grep synes jeg gjør boken spesielt nyttig. Så for alle som ønsker å sette seg grundig inn i bakgrunnen for det som fyller den offentlige debatten for tiden, er dette en bok verd å ta fatt på.
– Erling Rimehaug, Vårt Land 21. juni 2024